Samræmd kennsla og fræðsla fyrir þitt starfsfólk
Vandamálin sem koma upp á borð til okkar sem hugbúnaðarfyrirtæki eru mörg og af mismunandi toga. Sum þeirra eru svo gott sem óleysanleg, en önnur er vel hægt að leysa og eru mjög skemmtileg.
Námskeiðs- og fræðslukerfið Amon er einmitt eitt af þessum verkefnum sem er mjög gaman að vinna að þar sem við sjáum að það muni koma að gagni fyrir svo mörg fyrirtæki.
Við fórum því í það að búa til einfalt og notendavænt kerfi sem aðstoðar fyrirtæki í að fræða, kenna og leiðbeina sínu starfsfólki. Það er bæði hægt að nota kerfið til upplýsingaöflunnar til starfsfólks en einnig er hægt að taka stutt próf um efnið.
Vandamál við fræðslu starfsfólks snýr iðulega að margbreytileika og sérstöðu fyrirtækja. En með því að sameina allt starfsfólkið á einn stað þá er hægt að vinna með það og eyða öllu sem heitir staðsetningar, ferðakostnaður og óhentugur tími.
Hér förum við yfir nokkra af kostum Amon námskeiðs- og fræðslukerfis.
Tími og staðsetning skiptir ekki lengur máli
Erfitt getur verið að ná öllum saman til þess að fræða allt starfsólkið á sama tíma. Fólk vinnur vaktavinnu, er á mismunandi staðsetningum eða misvel að sér í ákveðnum málefnum og því sé eitt námskeið sem haldið er í 1-3 tíma ekki alltaf að svara þörfum allra.
Hægt er að tímastilla námskeiðið þannig að starfsmenn geti þá fengið einhvern ákveðinn tíma til þess að kynna sér ákveðið efni eða taka próf.
Ósamræmi í kennslu
Það vill því víst oft verða þannig að það fer eftir því hver er á “vaktinni” eða sinnir kennslu og fræðslu í það og það skiptið hvernig þjálfun fólk fær. En með því að vera með t.d. myndbönd inn í kerfinu og síðan nokkrar prófaspurningar að þeim loknum þá fá allir starfsmenn sömu skilaboð og sömu þjálfun.
Engin mikilvæg skilaboð gleymast á einni kynningunni og önnur á þeirri næstu.
Námskeið haldin of sjaldan
Nýliðafræðsla fer stundum fram 2-4 sinnum á ári og fólk hefur þá verið búið að vinna á stað í allt að sex mánuði áður en það hefur verið boðað á nýliðanámskeið. Hægt er að gera skemmtilegann texta eða myndband um vinnustaðinn sem viðkomandi les eða horfir á þegar hann byrjar að vinna og þá veit hann allt sem hann þarf að vita strax á fyrstu vikunni.
Endurtektarpróf
Það getur verið strembið að halda utan um endurtektarpróf og viðhald á vinnuskírteinum starfsfólksins. En með því að nota Amon þá er hægt að stilla hvenær námskeið eru tekin næst. Þannig að réttindi starfsfólks verða aldrei útrunnin og enginn hætta á að endurtektarpróf gleymist.
Það sagði einhverntímann einhver snillingurinn að upplýstara starfsfólk væri betra starfsfólk og ég held að það eigi vel við hér :)
Hér má sjá nánari upplýsingar um Amon námskeiðs- og fræðslukerfið
Endilega hafið samband ef þitt fyrirtæki vill fá kynningu á kostum Amon
Díana Dögg, deilarstjóri hugbúnaðarlausna hjá Premis
Premis kaupir Tölvustoð
Nú um áramót keypti Premis allt hlutafé í Tölvustoð. Öll starfsemi Tölvustoðar hefur nú verið sameinuð starfsemi Premis og allir starfsmenn flust yfir í höfuðstöðvar Premis að Holtavegi 10 í Reykjavík. Er þetta liður í stefnu Premis að byggja upp öflugt þjónustufyrirtæki í rekstri tölvukerfa, hýsingu og veflausnum. Með kaupunum á Tölvustoð verða starfsmenn Premis tæplega 60 talsins.
Tölvustoð hefur um árabil byggt upp gott orðspor sem þjónustuaðili í hýsingu og rekstri tölvukerfa og sinnt þjónustu við hátt í hundrað fyrirtæki og stofnanir.
Bjórhátíð Premis 2018
Premis hélt heljarinnar bjórhátíð á Kex Hostel síðastliðinn föstudag. Þar fengu viðskiptavinir og starfsfólk Premis að gæða á dýrindis bjór frá nokkrum af heitustu brugghúsum landsins ásamt veitingum úr eldhúsi Kex Hostel. Brugghúsin voru Lady Brewery, Kex Brewing, RVK Breweing Co og Ægir brugghús. Saga Garðars mætti einnig á svæðið og skemmti gestum. Hægt er að sjá myndir frá viðburðinum á facebook síðu Premis.
Nánar
Fleiri réttmætir póstar lenda í ruslpóstsíum
Vegna mikillar aukningar á tölvupóstum sem innhalda óæskilega tengla eða efni, hafa skýjaþjónustuaðilar eins og Microsoft hert töluvert á þeim reglum sem skilgreina réttmæta tölvupósta. Þetta hefur leitt til þess að fleiri réttmætir tölvupóstar lenda í ruslpóstsíum. Notendur Office 365 hafa verið að lenda í þessu undanfarið og því er gott að vera vakandi fyrir Junk email hólfinu..
Mikill áhugi á öryggismálum á morgunverðarfundi Premis
Um 60 manns mættu á morgunverðarfund Premis 16. mars. Fundurinn var haldinn í samstarfi við Malwarebytes. Fyrirlesari var Helge Husemann en hann fjallaði um helstu framtíðarógnir internetsins og þær aðferðir sem hin nýja mafía beitir til að ná fram sínum markmiðum. Einnig var farið yfir hvernig Malwarebytes nær betri árangri í að verjast þessu en hefðbundnar vírusvarnir.
Premis og Malwarebytes bjóða til morgunverðarfundar 16. mars
Á fundinum munum við ræða um skipulagða glæpastarfsemi á netinu eða hina nýju mafíu. Við munum sjá hvað aðferðir og tækni hún hefur notað og hvað það hefur í för með sér að verja sig ekki gegn þessum nýju ógnum á markaðnum.
Sameinuð fyrirtæki undir merkjum Premis
Premis ehf. hefur nú lokið við kaup og sameiningu á starfsemi Opex ehf. og Davíð og Golíat ehf. Að sögn Kristins Elvars Arnarsonar, framkvæmdastjóra Premis, þá falla félögin vel að kjarnastarfssemi Premis á sviði reksturs tölvukerfa fyrir minni og meðalstór fyrirtæki. Samhliða þessu þá hefur Premis ráðið starfsmenn frá Skapalón veflausnum.
Týndi sonurinn snýr aftur
Undur og stórmerki gerðust í lok ágúst þegar týndi sonurinn koma aftur heim.
Hann Gísli Karlsson, vefari, hönnuður, verkefnastjóri og einhyrningur koma aftur heim eftir árs útlegð hjá WOW air.
Við erum hrærð og ánægð að fá hann aftur til baka.
Við leitum að snillingum í hópinn
Ert þú snillingurinn sem við leitum að?
Vegna aukinna umsvifa þá erum að við að leita að fólki í allar deildir hjá okkur, nóg af verkefnum og skemmtilegur andi í boði hjá okkur í Premis.
Árið 2016 hjá okkur
Krefjandi og spennandi ár að baki
Árið 2016 hefur verið mjög afkastamikið og fjörugt að okkar mati og hefur auðvitað liðið allt of hratt. Við bættum við okkur mannskap til þess að ná að halda í við öll nýju og spennandi verkefnin sem hrönnuðust upp og erum núna 35 manns í heildina.
Kenndu 300 börnum í Mosfellsbæ að forrita
Þeir Gunnsteinn Þórisson og Ragnar Örn Ólafsson, sérfræðingar á vef- og hugbúnaðarsviði Premis kenndu um 300 börnum í 6. og 7. bekk í Lágafells- og Varmárskóla að forrita í Micro:Bit. En Micro:Bit er pínulítil örtölva sem er hönnuð af BBC og samstarfsaðilum og er ætluð til þess að nota í tölvukennslu fyrir krakka á öllum aldri.
Hvernig lítur þú út á netinu?
Nýlega hélt Díana Dögg, deildarstjóri vef- og hugbúnaðardeilarinnar hjá okkur, fyrirlestur fyrir viðskiðtavini Morgunblaðsins sem bar nafnið „Hvernig lítur þú út á netinu“. Hún fór þar yfir það hvernig er best fyrir fyrirtæki að hugsa vefinn sinn frá upphafi. Það verður að marka stefnu fyrir vefinn, hvað er vefnum þínum ætlað að gera? Um leið og stefnan er komin þá er auðveldara að viðhalda vefnum, segir Díana Dögg.
Nánar
Happy Campers fær upplyftingu
Í september gerðum við smá upplyftingu á vefinn hjá vinum okkar hjá Happy Campers. Vefurinn þeirra fór fyrst í loftið árið 2014 en með stækkandi rekstri þá þarf vefurinn að stækka með.
Við bættum meðal annars við skemmtilegu bloggi hjá þeim því Happy Campers hafa margar skemmtilegar sögur sem þeir vilja deila með sínum viðskiptavinum.
Notendanámskeið í ServiceDesk
Premis hélt tveggja daga námskeið í ServiceDesk Plus í vikunni fyrir fyrirtæki sem eru að nota kerfið í dag.
Kerfið heldur utan um þjónustubeiðnir, breytingarstjórnun og eignaskráningu ásamt CMDB og byggir á ITIL hugmyndafræðinni.
Sérfræðingurinn Santhosh Malibi sá um að uppfræða þátttakendur á námskeiðinu.
Bleikur dagur
Það getur verið erfitt að fá 35 tæknigaura og forritara til þess að mæta í bleiku á bleikadaginn í vinnunni. Þess vegna voru það aðeins sölumenn, þjónustuborð, framkvæmdastjóri og allar konurnar í fyrirtækinu sem mættu í bleiku þennan dag. Þau voru nú samt það góð að deila bleika bakkelsinu með öllum hinum líka :)
Next Gen ráðstefna um Active Directory
Fimmtudaginn 19. maí héldum við ráðstefnu um „næstu kynslóðar“ aðferðir í rekstri á Active Directory umhverfinu sem og öryggisatriði í því.
Derek Melber MVP í AD leiddi ráðstefnugesti í allan sannleik um hvernig byggja á upp viðvaranir um breytingar í mikilvægum öryggisstillingum og ræddi þær áskoranir sem upp koma í AD umhverfinu.
Nýtt útlit á Corrian
Við erum afar ánægð með nýja útlitið sem við erum búin að vera hanna á innri vefina okkar. En árið 2014 opnuðum við fyrsta innri vefinn með N1 en síðan þá hafa nokkuð margir bæst í hópinn.